Ano ang isang Prl?
Ang PRL o Persons Restored of Liberty ay mga indibidwal na ligal nang nakalaya mula sa jail o prison at nagbabalik muli sa lipunan.
Bago makalaya, ang mga PRL ay nakadetain sa isang bilangguan bilang mga PDL o Person Deprived of Liberty kung saan sila ay nakakulong at maghihintay depende sa haba ng sentensya, kaso, o hearing.
Ang kulungan ay isa ring correctional facility kung saan nag-uundergo ng mga makabuluhang programa tulad ng pagkamit ng isang akademikong degree o kredensyal at mga aktibidad na rekreasyonal upang makabalik nang mas tuwid ang mga PDL.
Kung sila ay makalaya, ang mga dating PDL ay magiging PRL na. Sila’y muling susubok sa labas na madalas ay kinakapa pa ang mga pagbabago mula noong sila’y nakakulong, katulad ng lugar, presyo, at mga tao.
Sa komunidad, sila ay minsan nagiging usapain at iniiwasan dahil sa stigma ng pagkakulong. Madalas, ang pamilya ang nagiging sandalan ng mga PRLs sa kanilang paglaya sa kahirapang magsimula muli.
Ang pagkakaroon ng trabaho ay isang malaking bagay sa PRL na maituwid ang kanilang pagbabagong-buhay.Binababa nito ang porsyentong pagbabalik-krimen dala ng pagkakaroon ng direksyon, saysay, at pamumuhay sa taong nawalan ng pag-asa.
Kahit may kapasidad at kapabilidad ang isang PRL bilang aplikante, sila ay madalas na dinidiskriminahan dahil sa kriminal record at hindi na nakikita maliban sa label na “kriminal.” Napaparusahan pa rin sila kahit napagbayaran na nila ang krimen sa pagkakulong.
Facts:
Doble sa national average ang porsiyentong kinahaharap nila na 7.1% kumpara sa mga Pilipinong hindi nakulong o na-convict ng isang krimen.
Ayon sa isang survey noong Enero 2021 ng Philippine Statistics Authority (PSA).
Paano tayo makakatulong?
Binibigyang-diin ng proyektong ito ang karanasan ng mga PRL at ang stigma sa trabaho—nagbibigay ng kaalaman at pag-asa, hindi awa. Magbigay ng patas na oportunidad.
Maging susi sa pagbabago.
