Sino Kami?
Ang Malayang Bukas ay isang samahang naniniwala na ang bawat tao, anuman ang nakaraan, ay may kakayahang magbago at magkaroon ng bagong simula. Kami ay binuo sa hangaring mabigyan ng disente at marangal na trabaho ang mga Persons Restored of Liberty (PRL).
Mission
Ang Malayang Bukás ay nakatuon sa pagbibigay ng disenteng trabaho at bagong simula sa mga Persons Restored of Liberty sa pamamagitan ng:
- Job readiness at skills training
- Advocacy para sa patas na pagkakataon sa mga employer
- Reintegration support at gabay
- Empowerment programs na nagpapalakas ng pag-asa at determinasyon
Kami ang inyong katuwang upang patunayan na ang nakaraan ay hindi hadlang sa isang Malayang Bukás.
Mga Layunin
Alamin ang Katotohanan
Layunin namin na hikayatin ang mga Pilipino na kilalanin ang kakayahan ng mga dating Persons Restored of Liberty (PRL) na magbago at magkaroon ng makabuluhang pagkakataon na makakuha ng disenteng at marangal na trabaho.
Bigyan ng Pagkakataon
Nais naming baguhin ang pananaw ng lipunan patungo sa mga indibidwal na may pagkakamali sa nakaraan upang hindi ito maging tanging batayan sa pagtanggi ng trabaho sa mga PRL. Dapat bigyan sila ng patas na pagkakataon batay sa kanilang kasalukuyang kakayahan at determinasyon.
Suportahan ang pag-bangon
Gusto naming hikayatin ang mga PRL na patuloy na maghanap ng trabaho o muling simulan ang kanilang buhay nang normal, at ipaalam sa kanila na maraming tao at grupo ang handang sumuporta at tumulong sa kanilang pagbangon at reintegrasyon sa lipunan.